قوم بلوچ چون بزگ ان = مرچ مئی دل ازدگ ان
دنیا په ما دنزو مج ان = هوت کمال مرچی کج ان
پیرو جوان گریونت مروچ = په شاعر قوم بلوچ
مورتگ مروچ قوم توار = ملا کمال خان نامدار
گوش دار او نامدارین کمال = تو زندگی په می حیال
پا دا او هوت گالان بگوار = تاریخ بلوچان پیش بدار
عهدی شعر شعرانی نوک = ما ببر تاریخ توک
دودای شعر سمی گوک= هانی وا شیح گنوک
شمع شبستانا بوان = مهناز داستان بوان
په قدرت و زور توان شعر عزت و میروک بوان
یاد کن بلوچانی توان = شعر رند ولاشارا بوان
سر شپ بوان تا بامگاه = پر ما بوان شعر دادشاه
زیت کن بوان شعر حملا = قوم بلوچ بیتن گلا
پا دا بوان شعر کمبرا = یات کن چه شیری مادرا
چون ندری کو جان وسرا = سوگی نبوت په کمبرا
پا دا بوان چندی حیال = قوما بدن حال وحوال
پا دا بوان کیا سدو = گار کت بلوچ شومین عدو
پا دا بنوان شعر مکران = یات کن چه نیل بوینزران
چه کور کوه اپ سران = ول گون شکر تامین بران
یات چه ا ملک کهن = میرین بلوچانی وطن
بله اپسوز که ای واب حیال = موت بوت مزن نامی کمال
اپسوز که تاریخ بلوچ = مورت گون کمال خانا مروچ
گریونت مروچ کوه تلار = په میر کمال خان نامدار
گیریونت دروستین کوهسار = دنیا منی چمان تهار
گیرونت تک کوه ازباغ = پنوچ لاشار داگ داگ
مورتگ بلوچانی چراگ = سرباز چانف اهوران
تفتان وبیرگ وزاموران = کارچان وپوزگ شالمار
گه گون قصرقند چابهار = اپسوز ورنت گریونت مروچ
په شاعر قوم بلوچ = می شپ چراغت مثل روچ
ملا کمال خان یات نام = مانی می تاریخا مدام
احمد تو گالان کن تمام = په روح کمال خان صد سلام
احمد ملک نژاد
هیچ نظری موجود نیست:
ارسال یک نظر